Sí, Lévame..

¡ Lévame ti, a esas rexiós da noite
onde se fan as somas medoñentas!

"¡Lévame, sí! Nas ansias
da febre que me queima,
o esprito, d'unha santa,
a dóce imaxe d'ela
buscar eu quero agora
no mar, no ceo, na terra,
nas somas d'esas noites
no escentilar da estrela,
no fondo do meu peito
das tumbas entre as tebras...

Por ver si d'ese modo
aa estas negruras chega
do sol unha raiola
pr'a miña alma enferma.."